Sperninha kusé ki é tabanka pa nho?Tabanka é um festa religioso di San Joao... San Joao tudo alguem krel tcheu pamodi é discíplo di Kristo...e conformi eskritura fla, San Joao é padrinhu di Kristo... primeru alguem ki batizadu é kristo...
Ku kantu anu nhu comessa entra na Tabanka?
Ami nkomessa tabanka ku 7 anu...gossi nsta ku 78 anos, purtantu djam tem 71 anos ta brinca tabanka mesmo antis ki tananka bem paradu na tempo kolonial, Tabanka para um tempo...
Mas anho tudo kes anos la nhu foi sempri Rei di Tabanka?
nau. N'konxi kantu Rei primeru ki mi. Primeru Rei d Tabanka é um Homi ki tchomaba Munda, é ta fazeba Ladaínha di S. João na Casa, Ta dada missa na Igreja dipos ta bem ta poda so kel Batuko... Ka tina tamboru ka tinha nada.
Kal ki é Funssom di um Rei di Tabanka?
Rei di Tabanka ta fazi tudo kel Benefício na Altar... É ta kanta kes 3 reza Nossa Senhora, dipos é ta fazi incantu, dipos é ta fazi 5 terssu e kada terssu tem se manera di fazi.. Kes terssu tem ki tem 50 Ave Maria 5 Gloria ao pai e 50 Pai Nossu.. dipos tudo alguem ta beija kel vara dianti di San João, dipos tudo alguem ta bem canta salva rianha e na fim nu ta pega na tamboru nu ta sai nu ta comessa disfile.
Anho, nhu ta atcha ma Tabanka dja morri?
É ka morri... mas é mingua um kussinha... pamodi anhos Jovens ki ben nanci nhos conxi tabanka muto poku...
Es anu nu podi konta ku tabanka?
Sim es anu tem tabanka... nu sta tudo di luto mas a partir di dia 20 di Junho n’ta bisti um kamisa branku, um kalsa pretu e nu ta komemora tabanka... um bêz nu ta comessaba mas cedu mas gossi nu ta komesas um kussinha mas tardi...
Mensagens
Anónimo Realmente Sperninha é um Homi ki dja da prova ma é tem grandi Valor nao so pa nos zonas mas també pa Kultura di CV... Por isso nu dal se valor o Kualto antis... Milton Cabral